आइएमई पेको नेपाल लाइफको बीमा किस्ता तिर्ने योजना

वाणिज्य न्युज
१५ असार २०७९

आइएमई पेले नेपाल लाइफ इन्स्योरेन्सको बीमा किस्ता तिर्न मिल्ने योजना ल्याएको छ । कम्पनीले एपमार्फत ’प्रिमियम तिरौं, क्यासब्याक पाऔं’ योजना ल्याएको हो । योजना अनुसार एपबाट किस्ता तिर्दा मूल्यको शुन्य दशमलब ५ अधिकतम २५ सय रुपैयाँसम्म क्यासब्याक पाइने कम्पनीले जानकारी दिएको छ । साथै कम्पनीले हरेक दिन एक बिजेतालाई दुई वटा चन्द्रागिरि केवलकारको टिकट दिने जनाएको छ । कम्पनी अन्तर्गत २५ वटा बीमा कम्पनी भुक्तानी साझेदार भइसकेको दाबी छ । कम्पनीले डिजिटल माध्यमबाट भुक्तानीलाई प्रोत्साहन गर्न यस्तो योजना ल्याएको जनाएको छ ।