कैलाश मानसरोवर यात्रा खुला, भारतीय यात्रीलाई भने अवरोध
चीनले तीर्थयात्री तथा पदयात्रीका लागि कैलाश मानसरोवर यात्रा खुला गरेको छ । कोभिड– १९ का कारण बन्द आवस्थामा रहेको मानसारोवर यात्र खुल्ला गरेको हो । चीन सरकारले तिब्बतको राजधानी ल्हासा र नेपालको केरुङ नाकाबाट मात्रै कैलाश यात्रीलाई जाने अनुमति दिने भएको एसोसिएसन अफ कैलाश टुर अपरेटर्स संघले जनाएको छ ।
नेपालगन्जबाट हुम्लाको हिल्सा भएर तिब्बतको ताक्लाकोट हुँदै एउटा रुट तथा रसुवागढीबाट केरुङ हुँदै कैलाश मानसरोवर जाने अर्को रुट कार्यान्वयनमा थियो । अहिले हुम्लाबाट जाने रुट चीनले खुला गरेको छैन । खुल्ला भएको रुटमा पनि भारतीय पर्यटकलाई भने अनुमति नदिएको एशोसिएसनको दाबी छ ।
भारत र चीनबीच हिमालय सीमामा टकराबको अवस्था अन्त्य नभएको अवस्थामा चीनले भारतीय यात्रीलाई नेपाल भएर जान रोकेको ब्यावसायीले दाबी गरेका छन् । भारतको उत्तरी सीमा लद्दाख तथा उत्तराखण्डसँग जोडिएको कैलाश क्षेत्रमा चीनले ठूलो संख्यामा सेना तथा सैन्य उपकरण तैनाथ गर्दै आएको छ । चीनको सुरक्षाका लागि तिब्बत संवेदनशील भएका कारण पनि भारतीय पर्यटकलाई अनुमति नदिएको हुनसक्ने टुर अपरेटर्सहरुको दाबी छ । नपाएपछि आर्थिक रूपमा असर परेको कैलाश यात्राका नेपाली टुर अपरेटर व्यवसायी बताउँछन् ।
व्यवसायीका अनुसार नेपालबाट कोभिडभन्दा पहिला हरेक वर्ष नेपाली, भारतीय र अन्य मुलुकका गरी करिब २० हजार तिर्थयात्रु कैलाश मानसरोवर जाने गरेका थिए । कैलाश जाने भारतीय यात्रीका कारण नेपालगन्ज तथा हुम्लाका होटेल चलेका थिए । भारतीय पर्यटकको अवरोधपछि यहाँको पर्यटनमा समस्या यथावत हुने अनुमान छ ।
प्रतिकृया दिनुहोस्