छाउपडी प्रथामा अधारित फिल्म ‘टालो’ युट्युवमा भाइरल

वाणिज्य न्युज
५ असार २०७८

नेपालको मध्ये तथा सुदुर पश्चिमको गाउँ तथा पहाडी भेगमा प्रचलित छाउपडी कुप्रथामा आधारित नेपाली कथानक चलचित्र ‘टालो’ अहिले चलचित्र बजारमा चर्चा को बिषय बनेको छ । निहारिका फिल्मस प्रा लि को ब्यानरमा निर्माण भएको चलचित्र युट्युब च्यानल ओएस आरबाट रिलिज भएको हो ।

छुई (मासिक श्राव) को बेला चेली लाई छ दिन सम्म घरमा बस्न नदिई छाउ गोठमा राख्ने परम्परा विरुद्ध लेखिएको कथा यतिखेर युट्युवमा भाइरल भएको हो ।

रिम विश्वकर्माको कथा अनी दीपक श्रेष्ठ को पटकथा, निर्देशन र सम्पादनमा निमार्ण भएको ‘टालो’ छाउ गोठ बनाएर बस्न बाध्य गराईने अमानविय कुप्रथा लाई उन्मुलन गर्न हेतु सहयोगीको काम गरोस भनेर यो फिल्म निर्माण गरिएको हो निर्माता रिम विश्वकर्मा बताउँछिन् ।

कथामा जिवन्तता आओस भन्ने हेतुले स्थानिय कलाकारलाई नै समावेस गराईएको निर्माण पक्षको भनाई छ । फिल्मा अन्जली खड्का, प्रेम देव गिरि, सुशिला सिंजापती, सुशिला सिं, उदय बि के, गगन बि के एलिशा बादी, सम्झना बादीको भूमिका देख्न सहिन्छ । त्यस्तै खगेन्द्र के पी, भुपेश सोनि, शेरबहादुर, खगेन्द्र जैसी, जमुना बि क आदि जस्ता नया अनुहार ले पर्दापण गरेका छन् । यो फिल्ममा मेलिना राई, शान्ती श्री परियार रिषी खड्काको आवाज गितहरु रहेका छन् ।

http://www.youtube.com/watch?v=JqgrJUXYbuo