कन्टेनरमा लुकेर वीरगञ्ज पुगेका ५२ जना पक्राउ

वाणिज्य न्युज
१२ चैत्र २०७६

चैत १२, काठमाडौं ।

सामान बोक्ने कन्टेनरभित्र लुकेर काठमाडौंबाट वीरगञ्ज आइपुगेका ५२ जना यात्रुलाई प्रहरीले नियन्त्रणमा लिएको छ ।

काठमाडौंबाट चितवनको भरतपुर, हेटौंडा हुँदै वीरगन्जस्थित घण्टाघर पुगेका ना ५ ख ९५५२ नम्बरको कन्टेनर भित्र रहेका ३ बालबालिका सहित ५२ जनालाई मंगलवार राति प्रहरीले पक्राउ गरेको हो ।

उनीहरुले कन्टेनर चालकलाई २–२ सय रुपैयाँ भाडा दिएको बताएका छन् ।

पक्राउ परेका बारा, पर्सा र रौतहटका बासिन्दा हुन्। उनीहरु व्यापार व्यवसाय र मजदुरीका लागि काठमाडौं, भरतपुर र हेटौंडामा बस्दै आएका थिए।