बक्यौता महसुल नतिर्ने उद्योगको लाइट काट्न थालेको नेपाल विद्युत प्राधिकरणले अन्य उद्योगको पनि लाइट काट्न थालेको छ । प्राधिकरणले शुक्रवार थप बक्यौता नतिर्ने थप १४ उद्योगको बिजुली काटेको छ । प्राधिकरणले पाँच करोड रुपैयाँभन्दा बढी बिद्युत् बक्यौता भएका उद्योगको विद्युत् लाइन काटेको हो । पहिलो चरणमा एक अर्ब रुपैयाँभन्दा बढी बक्यौता रहेका चार वटा उद्योग र त्यसपछि पाँच गरी नौ उद्योगको लाइन काटिएको प्राधिकरणले शुक्रबार थप १४ उद्योगको लाइन काटिएसँगै २३ वटा उद्योग पुगेका छन् । गत पुस ६ गतेबाट बक्यौता रहेका ग्राहकको लाइन काट्न शुरु गरिएको छ ।
विगतमा डेडिकेटेड फिडर एवं ट्रंक लाइनबाट विद्युत उपभोग गरेका तर त्यसबापतको प्रिमियमसहितको महसुल नतिरेका उद्योगको विद्युत आपूर्ति बन्द गरिएको प्राधिकरणले जनाएको छ ।
यस्ता छन् शुक्रवार बिद्युत कटौत गरिएका उद्योगको विवरण :
- नारायणी स्पात (७८ करोड ४९ लाख रुपैयाँ)
- जगदम्बा इन्टरप्राइजेज (४७ करोड ९८ लाख रुपैयाँ)
- जगदम्बा सिन्थेटिक (४७ करोड ५३ लाख रुपैयाँ)
- एभरेस्ट पेपर मिल (२१ करोड ३६ लाख रुपैयाँ)
- कसमस सिमेन्ट (३५ करोड ८२ लाख रुपैयाँ)
- शुभश्री अग्नी सिमेन्ट (३८ करोड १० लाख रुपैयाँ)
- बुटवल सिमेन्ट (३२ करोड ९८ लाख रुपैयाँ)
- निगाले सिमेन्ट (१४ करोड २१ लाख रुपैयाँ)
- त्रिवेणी सिन्थेटिक यार्न इन्डस्ट्रिज (१५ करोड ६६ लाख रुपैयाँ)
- हामा आइरन (११ करोड ५५ लाख रुपैयाँ)
- हिमाल आइरन एन्ड स्टील (आठ करोड १३ लाख रुपैयाँ)
- घराना फुड्स (पाँच करोड नौ लाख रुपैयाँ)
- सिद्धार्थ पेटप्लास्ट (पाँच करोड २४ लाख रुपैयाँ)
- बाबा जुट मिल (पाँच करोड ६१ लाख रुपैयाँ)
