काठमाडौंबाट ३६ लाख रुपैयाँसहित भारतीय हुण्डी कारोबारी समातिए

वाणिज्य न्युज
१ मंसिर २०७६

१ मंसिर, २०७६, काठमाडौं । काठमाडौंको कुलेश्वरबाट ३६ लाख रुपैयाँसहित अवैधरुपमा हुन्डी कारोबारमा संलग्न एक हुण्डी कारोबारी पक्राउ परेका छन् ।
पक्राउ पर्नेमा भारतको बेतिया जिल्ला, जोगपट्टी थाना भएका ५७ वर्षीय सत्यनारायण प्रसाद रहेका छन ्। उनलाई महानगरीय प्रहरी वृत्त कालिमाटीको टोलीले आइतबार कुलेश्वरबाट पक्राउ गरेको हो । प्रहरीका अनुसार प्रसादको साथबाट ३६ लाख रुपैयाँ नगद, ३७ लाख ५ हजार रुपैयाँ बराबरको विभिन्न बैंकको साट्न बाँकी चेक र एक लाख १९ हजार भारतीय रुपैयाँ बरामद भएको छ ।
उनलाई थप अनुसन्धानका लागि राजश्व अनुसन्धान विभाग हरिहरभवन पुल्चोक पठाउने तयारी भइरहेको बुझिएको छ ।