September 17, 2021, Friday
१ आश्विन २०७८, शुक्रबार

मनकामना स्मार्ट लघुवित्तको आईपीओमा १६ लाख १२ हजार बढीले गरे आवेदन

मनकामना स्मार्ट लघुवित्तको आईपीओमा १६ लाख १२ हजार बढीले गरे आवेदन

असार २०, काठमाडौं ।

मनकामना स्मार्ट लघुवित्तको आइपीओमा आइतबार बिहान ११ बजेसम्ममा सबा १६ लाखले आवेदन गरेका छन् । केन्द्रीय निक्षेप प्रणाली (सिडिएससी) ले उपलब्ध गराएको तथ्यांक अनुसार ११ बजेसम्म लघुवित्तको आइपीओमा १६ लाख १२ हजार बढी आवेदन परेको छ । उल्लेखित आवेदनबाट २ करोड १२ लाख ७० हजार कित्ता शेयर माग भएको छ । जुन सर्वसाधारणबाट माग गरिएको तुलनामा ५८.५२ गुणा बढी हो ।

Advertisement

मनकामना स्मार्टले बिहीबार (असार १७ गते) देखि १०० रुपैयाँ दरको कुल ३ लाख ८९ कित्ता आइपीओ बिक्री खुला गरेको हो ।   जसमध्ये ६ हजार ५८ कित्ता कर्मचारीलाई, १९ हजार ४५० कित्ता सामूहिक लगानी कोष र बाँकी ३ लाख ६३ हजार ४९२ कित्ता सर्वसाधारणका लागी छुट्याईएको छ ।

मनकामनाको आइपीओमा न्यूनतम १० कित्तादेखि अधिकतम १ हजार कित्तासम्म आवेदन दिन सकिनेछ । छिटोमा असार २१ गतेसम्म आइपीओ भर्न सकिनेछ । यसआइपीओमा बिक्री प्रबन्धक एनएमबि क्यापिटल रहेको छ ।

लगानीकर्ताले आस्वा सदस्य बैंक तथा वित्तीय संस्थाका शाखा तथा मेरो सेयरमार्फत अनलाइन आवेदन पनि दिन सक्नेछन् । क्रेडिट रेटिङ एजेन्सी इक्रा नेपालले मनकामना स्मार्ट लघुवित्तलाई ‘इक्राएनपी इस्यूअर रेटिङ डबल बी माइनस’ रेटिङ दिएको छ । यसले निष्कासनकर्ता कम्पनी समयमै वित्तीय दायित्व पूरा गर्ने सम्बन्धमा मध्यम जोखिम रहेको जनाउँछ । इक्राले गत फागुन ११ गते उक्त रेटिङ दिएको हो । यो रेटिङ आगामी फागुन ११ गतेसम्म बाहल रहनेछ ।