थप १ हजार ४२ जनामा कोरोना पुष्टि,२ हजार ५५२ जना संक्रमणमुक्त
असार २०, काठमाडौं ।
पछिल्लो २४ घन्टामा १६ सय ३ जनामा कोरोना भाइरस संक्रमण पुष्टि भएको छ। विभिन्न प्रयोगशालामा परीक्षण गराएका ८ हजार १३२ नमूनामा उक्त मात्रामा संक्रमण देखिएको हो।
४८ सय ७६ नमूनाको पीसीआर र ३२ सय ५६ नमूनाको एन्टिजेन विधिबाट परीक्षण गराएको हो। जसमध्ये पीसीआरबाट १ हजार ४२ जनामा र एन्टिजेन विधिबाट ५६१ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ।योसँगै नेपालमा कोरोना संक्रमण पुष्टि हुनेको संख्या ६ लाख ४४ हजार ६२२ पुगेको छ ।
यस्तै पछिल्लो २४ घन्टामा २५ सय ५२ जना कोरोनामुक्त भएका छन्। योसँगै निको हुनेको संख्या ६ लाख ९ हजार २१८ पुगेको छ । मन्त्रालयले दिएको जानकारी अनुसार देशभर गरी थप २७ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ९ हजार २२५ पुगेको छ ।
प्रतिकृया दिनुहोस्