म्याद सकिएको एटीएमबाट ३४ लाख रुपैयाँ निकाल्ने २ जना पक्राउ

म्याद सकिएको कार्डबाट चाबहिल, कालोपुल, हात्तिसार भाटभटेनीमा रहेको एटीएम बुथबाट पटकपटक गरी ३४ लाख ३५ हजार रकम निकालेको महानगरीय प्रहरी परिसरले जनाएको छ ।प्रहरीले उनीहरुको साथबाट २१ लाख नगद र लोइड भिषा डेबिट कार्ड लण्डनको एटीएमकार्ड समेत बरामद गरेको छ । उनीहरुले रकम झिक्न प्रयोग गरेको लोइड भिषा डेबिट कार्डको म्याद सकिएको प्रारिम्भक अनुसन्धानबाट खुलेको छ ।

प्रहरी अधिकृतका अनुसार उनीहरुले एक्सपायर भएको एटीएम सुरुमा सिद्धार्थ बैकको एटीएम बुथमा पैसा झिक्न प्रयास गरेका थिए । खातामा पैसा नभएपनि एटीएमबाट पैसा आएपछि उनीहरुले काठमाडौंको अन्य एटीएम बुथमा गएर सोही एटीएम प्रयोग गरी रकम निकालेको खुल्न आएको छ ।