September 25, 2021, Saturday
९ आश्विन २०७८, शनिबार

कोमामा रहेको एमालेको कार्यदल डेढ महिनापछि ब्युँतियो

कोमामा रहेको एमालेको कार्यदल डेढ महिनापछि ब्युँतियो

एमाले एकताका लागि गठन गरिएको कार्यदल डेढ महिनासम्म कोमामा रहेर ब्युँतिएको छ। यससँगै सोमबार नै कार्यदलको बैठक बसेको छ। छलफल सकारात्मक भएको वार्तामा सहभागी नेताले बताएका छन्। बैठकमा विगतमा भएका कामकारबाहीको समीक्षा गरिएको थियो।

बैठकपछि माधवकुमार नेपाल पक्षका कार्यदल संयोजक भीम रावलले मंगलबार पार्टी मिलाउन घनीभूत ढंगले लागिपर्ने बताए। ‘कार्यदललाई निरन्तर बढाउनेबारे छलफल भयो। आज मूल विषयमा प्रवेश गरेनौं’, नेता रावलले भने, ‘आन्तरिक विषयमा समाधानको प्रयत्न गर्न मंगलबार बैठक पुनः बस्ने तय भएको छ।’

Advertisement

संस्थापन पक्षका कार्यदल संयोजक सुवास नेम्बाङले लामो समयपछि बसेको कार्यदलको औपचारिक बैठकले सकारात्मक दिशातर्फ उन्मुख भएको सन्देश दिने बताए। ‘कार्यदलको बैठक लामो समयपछि बस्यो। यो विषय रामो दिशातर्फ उन्मुख हुनु हो’, नेता नेम्बाङले भने, ‘अब यो निरन्तर जारी रहन्छ। सकेसम्म भोलि पर्सिभित्रै टुंगोमा पुग्छ। उनले अब पार्टी एक ढिक्का बनाउन क्रियाशील हुनेमा विश्वास व्यक्त गरे। अन्नपूर्णले खबर छापेको छ ।