October 25, 2021, Monday
८ कार्तिक २०७८, सोमबार

लामो समयसम्म रहेको नेकपा एमालेको विवाद अब समाधान हुने

लामो समयसम्म रहेको नेकपा एमालेको विवाद अब समाधान हुने

अन्ततः लामो समयसम्म विवादमा रहेको नेकपा एमालेको विवाद अब समाधान हुने भएको छ । नेकपा विवाद समाधानका लागि बनेको कार्यदलले १० बुँदे सहमतिको खाका बनाएका कारण यो विवाद साम्य हुने भएको हो । कार्यदलको खाकालाई अब नेकपा अध्यक्ष तथा प्रधानमन्त्री केपी शर्मा ओली र वरिष्ठ नेता माधवकुमार नेपालले हस्ताक्षर गर्ने तयारीमा छन् ।
यो कार्यदलले बनाएको समहतीको खाकामा अब ओली र नेपालले हस्ताक्षर गरेपछि अन्तिम सहमति मान्ने तयारी गरिएको छ ।

यसअघि फरकधारले आइतबार विहान नै नेकपामा १० बुँदे सहमति हुने लेखेको थियो । एमाले नेता योगेश भट्टराईले कार्यदलमा आइतबार राति भएको १० बुँदे सहमति स्वागतयोग्य भएको बताएका छन् । ‘नेकपा एमालेको आन्तरिक समस्या समाधानका लागि गठित वार्ता समितिद्वारा पार्टी एकताका लागि प्रस्तावित १० बुँदे सहमति स्वागत योग्य छ’ उनले सामाजिक सञ्जालमार्फत भनेका छन् ।
उनले भनेका छन्, ‘यसको कार्यन्वयन गर्दै, एकतालाई थप सुदृढ गर्दै, बिश्वास निर्माण गर्दै आगामी कुनै पनि प्रतिस्पर्धामा एमालेको श्रेष्ठता कायम गर्न अघि बढ्नु समस्त नेता, कार्यकर्ता र सदस्यहरुको युगिन कार्यभार बनेको छ । वार्ता समितिका सबै कमरेडहरुलाई हार्दिक बधाई तथा धन्यवाद छ ।’

Advertisement