अर्ध नग्न अवस्थामा सडकमै एक युवतीको शव फेला, बलात्कारपछि हत्या भएको आशंका
झापाको बिर्तामोडमा आज बिहान अर्ध नग्न अवस्थामा एक युवतीको शव फेला परेको छ । बिर्तामोड नगरपालिका – ५ स्थित पूर्व – पश्चिम राजमार्गको सुगम पेट्रोल पम्म उत्तर २५ वर्षीय युवती सृजना वस्नेत अर्धनग्न अवस्थामा मृत फेला परेकी हुन् ।
सानिमाको घरमा स–परिवार बस्तै आएकी सृजना घरको आगनमा अर्धनग्न अवस्थामा मृत भेटिएको इलाका प्रहरी कार्यालय अनारमनीले जनाएको छ । घटनाको विषयमा थप अनुसन्धान भइरहेको इलाका प्रहरी कार्यालय अनारमनीका प्रहरी नायव उपरीक्षक सन्तोष आचार्यले जानकारी दिए ।
बस्नेत स्थानिय श्रृजनशील बचत तथा ऋण सहकारी संस्थामा कलेक्टरको काम गर्ने गरेको र आफ्नी सानीआमाको घरको माथिल्लो तलामा आमा दाजु सँग बन्दै आएको बताइएको छ ।
स्थानीयबासीले सडकमा युवतीको शव देखेपछि प्रहरीलाई खबर गरेका थिए । उनको बलात्कारपछि हत्या भएको आशंका स्थानीयले गरेका छन् । प्रहरीले भने घटनाको अनुसन्धान सुरु गरिएको जनाएको छ । प्रहरीले थप अनुसन्धानका लागि धरानबाट तालिमप्राप्त कुकुर मगाएको जनाएको छ ।
#बलात्कार #युवतीको शव #हत्या
प्रतिकृया दिनुहोस्