सुनको मूल्यमा सामान्य गिरावट, कतिमा हुँदैछ कारोबार ?

वाणिज्य न्युज
१० श्रावण २०७८

साउन १०, काठमाडौं ।

आइतबार नेपाली बजारमा सुनको मुल्य घटेको छ । गत शुक्रबारको तुलनामा आज सुनको मुल्य १०० रुपैयाँले घटेको हो । नेपाल सुनचाँदी व्यवसायी महासङ्घका अनुसार गत शुुक्रबार प्रतितोला ९२ हजार १०० रुपैंयामा कारोबार भएको सुनको मुल्य आज प्रतितोला ९२ हजार रुपैंयामा कारोबार हुने भएको छ ।

आज तेजावी सुन ९१ हजार ५०० रुपैँयामा कारोबार हुने नेपाल सुनचाँदी व्यवसायी महासङ्घले जनाएको छ । यस्तै, आज चाँदीको मूल्य पनि घटेको छ । गत शुक्रबार प्रतितोला १ हजार २८० रुपैयाँमा कारोबार भएको चाँदी आज १० रुपैयाँले घटेर प्रतितोला १ हजार २७० रुपैयाँमा कारोबार हुने महासङ्घले जनाएको छ ।