एकैदिन ६ हजार ७३४ जनामा कोरोना संक्रमण पुष्टि, ३ जनाको मृत्यु

 नेपलामा थप ६ हजार ७३४ जनामा कोरोना संक्रमण देखिएको छ।  देशभरि १७ हजार  ४६५ जनाको नमुना परीक्षण गर्दा पीसीआरबाट ५ हजार  ७४७ र एन्टिजेनबाट ९८७ जना संक्रमित देखिएको स्वास्थ्य तथा जनसंख्या मन्त्रालयले जानकारी दिएको छ। त्यस्तै थप ५४७ जना कोरोनामुक्त भएका छन् भने थप ३ जना संक्रमितको मृत्यु भएको छ।

त्यस्तै, काठमाडौं उपत्यकामा ३९३९ संक्रमित थपिएका छन्।  मन्त्रालयका अनुसार काठमाडौंमा २९४३, भक्तपुरमा २०१ र ललितपुरमा ७९५ संक्रमित थपिएका छन्। काठमाडौं उपत्यकामा १९ हजार ३८७ सक्रिय संक्रमित छन्। जसमध्ये काठमाडौंमा १३९८६, ललितपुरमा ३५५५ र भक्तपुरमा १८४६ सक्रिय संक्रमित छन्।

मन्त्रालयका अनुसार अहिले देशभर ३० हजार ८७७ जना सक्रिय संक्रमित रहेका छन् ।  २४ घण्टामा देशभर १४ हजार ३३६० जनाले कोभिड १९ विरुद्धको खोप लगाएका छन् ।

Advertisement