निगमले फेरि बढायो इन्धनको मूल्य, एक लिटर पेट्रोल किन्न १६० रुपैयाँ खर्चनुपर्ने
नेपाल आयल निगमले फेरि पेट्रोलियम पदार्थको भाउ बढाएको छ । निगम संचालक समितिको मंगलबार बसेको बैठकले आजै राति १२ बजेदेखि लागू हुनेगरी पेट्रोलियम पदार्थको मूल्यवृद्धि गरेको हो ।
निगमले पटक पटक बढाउँदै आएको इन्धनको मूल्य यसपल्ट पनि नोक्सानी बढेको भन्दै मूल्य बढाएको हो ।
निगमले पेट्रोलको मूल्य प्रतिलिटर ५ रुपैयाँ बढाएको छ । त्यस्तै डिजेल र मट्टितेल पनि प्रतिलिटर ५ रुपैयाँले बढेको छ । मूल्य बढेसँगै एक लिटर पेट्रोल खरीद गर्नको लागि १६० रुपैयाँ खर्चनुपर्ने भएको छ । त्यस्तै डिजेल र मट्टितेलको मूल्य १४३ रुपैयाँ पर्ने भएको छ ।
यस्तै हवाई इन्धन (आन्तरिक) मा ५ रुपैयाँ बृद्धि भइ प्रति लिटर १५६ रुपैयाँ कायम भएको छ ।
यस्तै हवाई इन्धन (अन्तर्राष्ट्रिय) अमेरिकी डलर ५० ले बृद्धि भइ प्रतिकिलोलिटर अमेरिकी डलर १,५४५ कायम गरिएको छ ।
खाना पकाउने ग्यासको मूल्य प्रतिसिलिण्डर २५ रुपैयाँ बढाएर १६ सय रुपैया कायम गरेको छ ।
प्रतिकृया दिनुहोस्