स्थापितको क्षेत्रमा काँग्रेसको जित, बालेन पनि परे पछि
नेकपा एमालेका मेयर उम्मेदवार केशव स्थापितले मतदान गरेको काठमाडौंको २८ नम्बर वडामा कांग्रेसको प्यानलै विजयी भएको छ । कांग्रेसका वडाध्यक्ष उम्मेदवार भाइराम खड्गी १२८१ मत ल्याएर वडाध्यक्षमा निर्वाचित भएका हुन् । उनका प्रतिस्पर्धी एमालेका विपेन्द्र खड्गीले १०७२ मत ल्याए । यो वडाबाट मेयरमा स्वतन्त्र उम्मेदवार बालेन साहले ७३४, एमालेका केशव स्थापितले ७७३ र कांग्रेसकी सिर्जना सिंहले ७१० मत पाइन् ।
समर्गमा मेयरका स्वतन्त्र उमेदवार बालेन शाहको अग्रता कायमै छ । ७० हजार ३८९ मतगणना हुँदा बालेनले २६ हजार ५९१ मत पाएका छन् । नेकपा एमालेका उमेदवार केशव स्थापितले १४ हजार १६५ मत प्राप्त गरेका छन् । गठबन्धनको तर्फबाट नेपाली कांग्रेसकी सिर्जना सिंहले १३ हजार ५६२ मत पाएकी छन् ।
प्रतिकृया दिनुहोस्