आमा बनिन् आलिया भट्ट, छोरीको तस्बिर गरिन सार्वजनिक
मुम्बई– बलिउड अभिनेत्री आलिया भट्ट आमा तथा अभिनेता रणबीर कपूर बुवा बनेका छन् । आलियाले आइतबार पहिलो सन्तानको रुपमा छोरीलाई जन्म दिएकी छिन् । आलिया आज (आइतबार) बिहानै डेलिभरीका लागि अस्पताल भर्ना भएकी थिइन् । मुम्बईको रिलायन्स अस्पतालमा उनले छोरी जन्माएकी हुन् । आमा र शिशुको स्वास्थ्य अवस्था सामान्य रहेको बताइन्छ ।
गत वैशाखमा विवाह बन्धनमा बाँधिएका आलिया र रणवीरले पहिलो सन्तानलाई स्वागत गरेपछि चौतर्फी बधाई मिलिरहेको छ ।
छोरी जन्मिएपछि आलियाले ‘यो हाम्रो जीवनकै सबैभन्दा उत्कृष्ट समाचार हो । हाम्रो बच्चाको आगमन भएको छ । उनी जादुले भरिएकी छिन् । हामी आधिकारिक रुपमा मायाले ओतप्रोत भएका छौँ । भाग्यमानी आमा–बुवा ।’
प्रतिकृया दिनुहोस्