February 8, 2023, Wednesday
२५ माघ २०७९, बुधबार

प्यूठान ‘ख’ बाट फिल्म निर्माता तथा निर्देशक रोज राणा विजयी

प्यूठान ‘ख’ बाट फिल्म निर्माता तथा निर्देशक रोज राणा विजयी

प्यूठान प्रदेशसभा ‘ख’ बाट फिल्म निर्माता, कलाकार तथा निर्देशक रोज राणा विजयी भएका छन् । नेपाली कांग्रेसबाट उम्मेदवार बनेका राणाले २२ हजार ५१८ मतका साथ विजय प्राप्त गरेका हुन् । राणा प्यूठान क्षेत्र नं. २ का क्षेत्रीय सभापति पनि हुन् ।

Advertisement

उनका निकटतम् प्रतिद्वन्दी एमालेका हरि रिजालले १ हजार ७१२ मत कम अर्थात २० हजार ८०७ मत पाएका थिए । उनी निर्माता संघका निवर्तमान महासचिव हुन् ।

Advertisement

पहिलो प्रयासमै प्रदेशसभामा विजयी हासिल गर्न सफल भएका उनलाई यसअघि कांग्रेस सत्तामा हुँदा केही पटक चलचित्र विकास बोर्डको अध्यक्षमा नियुक्ति गर्ने प्रयास पनि भएको थियो ।

तर, उनले बोर्ड जाने इच्छा देखाएनन् । प्रदेशसभामा लड्नका लागि रोजले नेपाल चलचित्र निर्माता संघको अध्यक्ष पद समेत माया मारेका थिए ।