नायक सलोनले एयरहोस्टेस करिश्मासँग लगनगाँठो कस्दै

वाणिज्य न्युज
९ मंसिर २०७९

चर्चित अभिनेता सलोन बस्नेतले प्रेमिका एयरहोस्टेस करिश्मा केसीसँग आगामी सोमबार नै विवाह बन्धनमा बाधिँने भएका छन् । यि दुबैले मङ्सिर १२ गते लगनगाँठो कस्न लागेका हुन् । ३१ वर्षिय सलोन र २४ वर्षिया करिश्माले ४ वर्षको प्रेमलाई पारिवारिक सहमतिमा विवाह गर्न लागेका हुन् ।

अहिले सलोन विवाहको तयारीमा लागि परेका छन् । विवाहका लागि दुवै तर्फमा आफन्त र साथीभाईलाई निम्तो कार्ड पुगिसकेको छ ।

सलोनको विवाह समारोह भोलि मंसिर १० गते शनिबारबाट सुरु हुने उनका बुबा शोभित बस्नेतले जानकारी दिए। शनिबारबाट सुरु हुने समारोहको रुपमा संगीत , मेहेन्दी र मंसिर १२ गते परिवार र केहि आमन्त्रित अतिथिको उपस्थितिमा चन्द्रागिरिमा विवाहको तयारी र मंसिर १४ गते रिसेप्सन पार्टी दिने तयारी भएको उनका बुबा शोभित बस्नेतले बताए । करिश्मा नेपाल एयरलायन्सकी एयरहोस्टेस समेत हुन् ।