प्रभु बैंकको सीईओमा शेरचन पुनः नियुक्त
प्रभु बैंकको प्रमुख कार्यकारी अधिकृत (सीईओ)मा अशोक शेरचन पुनः नियुक्त भएका छन् । बिहीबार बसेको बैंक सञ्चालक समितिको बैठकले शेरचनलाई पुनः चार वर्षका लागि सीईओमा नियुक्त गरेको बैंकका अध्यक्ष लीलाप्रकाश सिटौलाले जानकारी दिए ।
Advertisement
शेरचन १८ माघ २०७५ मा प्रभु बैंकको सीईओ नियुक्त भएका थिए । दुई साताअघि प्रभुले सेञ्चुरी कमर्शियल बैंकलाई आफूमा समाहित गरेपछि शेरचन तेस्रो कार्यकालका लागि सीईओ बनेका हुन् ।
Advertisement
नवनियुक्त सीईओ शेरचनले ग्राहक, शेयरधनी र अर्थतन्त्रलाई प्राथमिकतामा राखेर काम गर्ने बताए ।
मर्जर भएपछि कर्मचारीहरूबीचको समन्वय, कर्जाको गुणस्तर, रिकभरीलाई प्राथमिकता, डिजिटल बैंकिङलाई जोड र राष्ट्र बैंकको नीति नियमअनुसार समन्वयसाथ काम गर्ने उनको भनाइ छ ।
ग्राहकलाई उत्कृष्ट सेवा, अर्थतन्त्रमा योगदान पु¥याउने र शेयरधनीलाई उचित प्रतिफल दिने गरी काम गर्ने उनले बताए ।
प्रतिकृया दिनुहोस्