निर्धन उत्थान लघुवित्तले बोलायो वार्षिक साधारण सभा

निर्धन उत्थान लघुवित्त वित्तीय संस्थाले फागुन १२ गते बिहान १० बजे लघुवित्तको केन्द्रीय कार्यालय २४ औं वार्षिक साधारण सभा आह्वान गरेको छ ।
सभाले गत आर्थिक वर्षका लागि प्रस्तावित चुक्तापुँजीको कुल २० प्रतिशत लाभांश अनुमोदन गर्नेछ । जसमा १९ प्रतिशत बोनस सेयर र कर प्रयोजनार्थ १ प्रतिशत नगद लाभांश छन्।

बोनस सेयर वितरणपछि चुक्तापुँजी र जारी पुँजी वृद्धि हुने भएकोले सोहीअनुसार प्रबन्धपत्र र नियमावलीमा संशोधन गर्ने विशेष प्रस्ताव पनि सभाले स्वीकृत गर्नेछ। वार्षिक साधारणसभा र लाभांश प्रयोजनका लागि संस्थाले फागुन २ गतेदेखि फागुन १२ गतेसम्म बुक क्लोज गर्ने निर्णय गरेको छ। यसको अर्थ फागुन १ गतेसम्म कायम सेयरधनीहरुमात्रै यो संस्थाको लाभांश पाउन र सभामा भाग लिन योग्य हुनेछन्।

सभाले संस्थाको सञ्चालक समितिका सदस्यहरुको मनोनयन तथा नियुक्ति अनुमोदन गर्नेछ। गत आर्थिक वर्षको वार्षिक तथा लेखापरीक्षकको प्रतिवेदन पनि सभामा छलफल गरी स्वीकृत गरिनेछ।

Advertisement