सेयर बजार घटेर रातम्मे, सूचक १९ सय ३३ अंकको विन्दुमा
साताको अन्तिम दिन बिहीवार पनि कारोवार नेप्से परिसूचक ५.३२ अंकले घटेको छ । आज नेप्से ०.२७ प्रतिशतले घटेर १९३३.३१ बिन्दुमा पुगेर बन्द भएको हो ।
बिहीवार दुई सय ५८ वटा कम्पनीका ३४ लाख २ हजार कित्ता सेयर एक अर्ब १४ करोड १४ लाख रुपैयाँमा कारोवार भएका छन् । सबैभन्दा धेरै एनआईसी एसिया बैंकको ४ करोड ९४ लाख रुपैयाँको सेयर किनबेच भएको छ ।
आज सबैभन्दा धेरै लक्ष्मी लघुवित्तको शेयर झण्डै ६ प्रतिशत तथा नयाँ साथी लघुवित्त, प्रभु लाइफ इन्स्योरेन्स र ग्रिन डेभलपमेन्ट बैंकको शेयर साढे चार प्रतिशतले घटेको छ ।
जलविद्युत् र अन्यबाहेक अरु सबै समूहको सेयर घटेको छ । समग्रमा बजार घटे पनि आज सबैभन्दा धेरै शुभम पावर कम्पनी र युनिक नेपाल लघुवित्तको सेयर १० प्रतिशतले बढेको छ ।
प्रतिकृया दिनुहोस्