May 18, 2024, Saturday
५ जेष्ठ २०८१, शनिबार

तीन जना बैंक लुटेरा पक्राउ

तीन जना बैंक लुटेरा पक्राउ

सिराहा प्रहरीले बैंकको रकम लुटपाट गरेको आरोपमा तीन जनालाई पक्राउ गरेको छ। मिर्चैया नगरपालिका ३ बताहा पुलबाट ग्लोबल आईएमई बैंकको शाखा कार्यालय कल्याणपुर लाँदै गरेको रकम लुटेको आरोपमा प्रहरीले कल्याणपुर नगरपालिका–८ अरङ्गका ४५ वर्षिय श्याम कुमार यादव, लहान नगरपालिका १३ सुकरामपुरका ३६ वर्षिय जिवछ बिक र लहान १९ छपरारीका ४७ वर्षिय सत्य नारायन मण्डललाई पक्राउ गरेको हो ।

Advertisement

उनीहरुले वैंकका कर्मचारीले मिर्चैयाबाट कल्याणपुर शाखामा लाँदै गरेको ९ लाख रकम लुटेको आरोप छ। प्रहरीसहित ज६प ८१८५ नम्बरको मोटरसाइकलमा बैंकका कर्मचारी गत फागुन १० गते रकम लिएर बैंकमा जाँदै गर्दा नम्बर नखुलेको मोटरसाइकलमा आएका ४ जना अपरिचित व्यक्तिहरूले पेस्तोल देखाई रकम लुटेका थिए ।

Advertisement

मधेश प्रदेश प्रहरी कार्यालय जनकपुर, जिल्ला प्रहरी कार्यालय सिराहा तथा इलाका प्रहरी कार्यालय मिर्चैया सिराहा लगायत मातहतका प्रहरी टोलीले उपलब्ध श्रोत साधन तथा प्रविधिको प्रयोग गरी सिराहा सदरमुकास्थित हेमनारायण चोकबाट तीन जनालाई नियन्त्रणमा लिएको हो ।

उनीहरुमाथि शरीर बन्धक तथा डाँका मुद्दामा सिराहा जिल्ला अदालतबाट सात दिनको म्याद लिई थप अनुसन्धान थालिएको छ ।