April 24, 2024, Wednesday
१२ बैशाख २०८१, बुधबार

भक्तपुर क्यान्सर अस्पतालको निर्देशकमा डा. चालिसे नियुक्त

भक्तपुर क्यान्सर अस्पतालको निर्देशकमा डा. चालिसे नियुक्त

भक्तपुर क्यान्सर अस्पतालको कार्यकारी निर्देशकमा डा. उज्जवल चालिसे नियुक्त भएका छन् । उपप्रधान तथा स्वास्थ्य मन्त्री उपेन्द्र यादवले विहीवार डा. चालिसेलाई कार्यकारी निर्देशकमा नियुक्त गरेका हुन् । चालिसे अधिल्लो बर्ष पनि केही समय कार्यकारी निर्देशक भएका थिए ।

बिगत १३ बर्षदेखि सोही अस्पतालमा कार्यरत चालिसे १५ बर्षदेखि क्यान्सर विज्ञको रुपमा कार्यरत रहेका छन् । नेपालकै पुरानो वीर अस्पतालबाट एम. डि. गरेका उनी युकेमा ३ बर्ष फिलोसोपी गरेर नेपाल फर्किएका डाक्टर हुन् । केही समय भारतको मुम्बईमा रहेको टाटा अस्प्ताल र दिल्लीको राजिब गान्धी अस्पतालमा काम गरेको अनुभव चालिसेसँग रहेको छ ।

हस्पिटलमा कार्यकारी नियुक्त भएसँगै पहिलो कार्यकालमा आफूले पाएको मेडिकल डाइरेक्टरको गाडि नचढ्ने घोषणा गरेका चालिसेले दोस्रो कार्यकालमा पनि लोकपृय काम गर्ने अपेक्षा गरिएको छ । त्यसताका आफूले चढ्ने गाडिलाई एम्बुलेन्स बनाएका थिए । उनको दोस्रो पटक कार्यकारी पाएसँगै सुधारको कदम चाल्ने समुह उत्साहित भएको छ ।

Advertisement