April 24, 2024, Wednesday
१२ बैशाख २०८१, बुधबार

वीर अस्पतालमा तत्काल स्वास्थ्यकर्मी नियुक्त गर्न सांसद डा. कार्कीको माग

वीर अस्पतालमा तत्काल स्वास्थ्यकर्मी नियुक्त गर्न सांसद डा. कार्कीको माग

राष्ट्रिय स्वतन्त्र पार्टी (रास्वपा) की सांसद डा. तोसिमा कार्कीले वीर अस्पतालमा तत्काल स्वास्थ्यकर्मी नियुक्त गर्न माग गरेकी छन् । आइतबार प्रतिनिधि सभाको बैठकमा विशेष समयमा सांसद कार्कीले वीर अस्पतालमा स्वास्थ्यकर्मीको अभावमा सेवा प्रवाहमा समस्या भइरहेको भन्दै तत्काल स्वास्थ्यकर्मी नियुक्त गर्न माग गरेकी हुन् ।

Advertisement

उनले वीर अस्पतालमा ८३१ जनाको दरबन्दी स्वीकृत पनि भइसकेको भन्दै करारमा अथवा लोकसेवामार्फत जुन प्रक्रियामा भएपनि तुरुन्त स्वास्थ्यकर्मी नियुक्त हुनुपर्ने बताइन् । ले अघिल्लो स्वास्थ्यमन्त्रीले एकैपटक २७६ जना स्वास्थ्यकर्मीलाई वीर अस्पतालबाट निकालेर अस्पतालको सेवा नै अलपत्र पारेको भन्दै नयाँ स्वास्थ्यमन्त्रीले सेवामा सुधार ल्याउने विश्वास व्यक्त गरिन् ।

Advertisement

‘वीर अस्पतालप्रति स्वास्थ्य मन्त्रालयको अघिल्लो नेतृत्वको नजर नपुगेको होइन, उहाँको नजर पुग्यो । तर, उहाँले अस्पतालको व्यवस्थापन नै ध्वस्त हुनेगरी एकैपटक २७६ जना स्वास्थ्यकर्मीलाई निकालिदिनुभयो र अस्पतालको सेवा अलपत्र पारिदिनु भयो । आशा छ यसपटकका स्वास्थ्यमन्त्रीको ध्यान पुग्नेछ र अस्पतालको सेवामा सुधार ल्याउनुहुनेछ । म स्वास्थ्यमन्त्रीज्यूलाई अनुरोध गर्न चाहन्छु,’ सांसद कार्कीले भनिन् ।

उनले कुनै वेबसाइटमार्फत अथवा कुनै माध्यमबाट देशभरका अस्पतालमा कस्ता कस्ता सेवा दिइन्छन्, कति आइसियु बेड खाली छन्, डाक्टरहरू कुन–कुन छन् भन्ने इन्फरमेशन हेर्न सकिने र नागरिकले फोन गरेर सोध्न, खोज्न सकिने व्यवस्था गर्नसमेत माग गरिन् ।