October 25, 2021, Monday
८ कार्तिक २०७८, सोमबार

अध्ययन बिदामा रहेका स्वास्थ्यकर्मीलाई अनिवार्य कार्यलयमा उपस्थित हुन सरकारको निर्देशन

अध्ययन बिदामा रहेका स्वास्थ्यकर्मीलाई अनिवार्य कार्यलयमा उपस्थित हुन सरकारको निर्देशन

कोरोना भाइरस संक्रमणको रेकर्ड कायम गर्न थालेपछि सरकारले अध्ययन लगाएतका बिदामा रहेका सवै स्वास्थ्यकर्मीलाई काममा फिर्कन निर्देशन दिएको छ । स्वास्थ्य तथा जनसख्या मन्त्रालयले उनीहरुलाई आआफ्नो दरबन्दी भएको स्वास्थ्य संस्थामा गएर काम गर्न निर्देशन दिएको हो ।

Advertisement


मन्त्रालयका सहप्रवक्ता डा समिरकुमार अधिकारीका अनुसार मन्त्रालयले अध्ययन बिदामा रहेका र अहिले अध्ययन नभएका अवस्थामा रहेका सबै स्वास्थ्यकर्मीलाई आआफ्नो दरबन्दीअनुसार स्वास्थ्य संस्थामा गएर काम गर्न निर्देशन दिएको हो ।

Advertisement


मन्त्रालयले विभिन्न चिकित्सा विधामा अध्ययनरत सबै विद्यार्थीलाई पनि कोभिड–१९ को रोकथाम र नियन्त्रणमा खटाउने निर्णय गरेको छ ।
स्वास्थ्य मन्त्रालयका अनुसार नेपालमा पछिल्लो २४ घन्टामा ७ हजार २११ जनामा कोरोना संक्रमण पुष्टि भएको छ । संक्रमित हुनेमा २८ सय ६४ महिला र ४२ सय ७३ पुरुष छन् । १६ हजार १४७ पीसीआर र ६२३ एन्टिजेन परीक्षणमा ७ हजार २११ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।

यो सहित नेपालमा कोरोनाबाट संक्रमित हुनेको संख्या ३ लाख ३६ हजार ३० पुगेको छ । यस्तै पछिल्लो २४ घन्टामा कोरोना संक्रमणबाट थप २७ जनाको मृत्यु भएको छ । यो सहित कोरोनाबाट मृत्यु हुनेको संख्या ३३ सय २५ पुगेको छ । मन्त्रालयका अनुसार ६७ जना क्वारेन्टाइन र ४८ हजार ७११ जना आइसोलेसनमा छन् ।