गुल्मीमा ९१ जनाको स्वाब परीक्षण गदा एउटै टोलका ७४ जनामा कोरोना संक्रमण पुष्टि

वाणिज्य न्युज
५ जेष्ठ २०७८

जेठ ४, काठमाडौं ।
गुल्मीको कालीगण्डकी गाउँपालिका वडा नम्वर ६ फोक्सिङको लम्करा टोलका ७४ जनामा कोरोना संक्रमण पुष्टि भएको छ । टोलका ९१ जनाको स्वाब परीक्षण गर्दा ७४ जनामा संक्रमण पुष्टि भएको कालीगण्डकी गाउँपालिकाका स्वास्थ्य शाखाका प्रमुख चन्द्रबहादुर थापाले जानकारी दिए ।

एउटै टोलमा ठूलो संख्यामा संक्रमण पुष्टि भएपछि स्वास्थ्य मापदण्डहरुलाई कडाइसाथ लागु गरिएको छ । संक्रमित सबैको अवस्था सामान्य रहेको थापाले बताए । संक्रमितहरु होम आइसोलेसनमा छन् । संक्रमण हुनेमा एक वर्षदेखि ९० वर्षसम्मका रहेका छन् ।

गुल्मीमा सक्रिय संक्रमितको संख्या एक हजार १०८ रहेको छ । यस्तै संक्रमणका कारण हानलसम्म ५९ जनाको मृत्यु भएको स्वास्थ्य कार्यालय गुल्मीले जनाएको छ ।