February 2, 2023, Thursday
१९ माघ २०७९, बिहीबार

थप ३१ सय २५ जनामा कोरोना संक्रमण पुष्टि, २३ जनाको मृत्यु

थप ३१ सय २५ जनामा कोरोना संक्रमण पुष्टि, २३ जनाको मृत्यु

साउन १८, काठमाडौं ।
पछिल्लो २४ घण्टामा देशभर ३१ सय २५ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १३ हजार ८११ जनाको नमुना परीक्षण गर्दा ३१२५ जनामा कोरोनाभाइरस संक्रमण पुष्टि भएको हो ।
मन्त्रालयका अनुसार एन्टिजेन विधिबाट ३ हजार १९८ र पीसीआर विधिबाट १० हजार ६१३ जनाको नमुना परीक्षण गर्दा एन्टिजेन विधिबाट ८६४ र पीसीआर विधिबाट २२७९ जनामा संक्रमण पुष्टि भएको हो ।

Advertisement

यससँगै हालसम्म संक्रमितको कुल संख्या पीसीआरबाट ६ लाख ९९ हजार ६४९ पुगेको छ भने एन्टिजेनबाट ६२ हजार ७८३ पुगेको छ । यस्तै पछिल्लो २४ घण्टामा देशभर १९२५ जना संक्रमण मुक्त भएका छन् । यो संगै हालसम्म ६ लाख ५८ हजार १२२ जना निको भएका छन् । सोमबार थप २३ जनाको मृत्यु भएको छ ।

हालसम्म मृतकको कुल संख्या ९ हजार ८९८ पुगेको छ । हाल देशभर सक्रिय संक्रमितको संख्या ३१ हजार ६२९ रहेको छ। सक्रिय संक्रमितमध्ये ६९० जना आईसीयू र १७५ जना भेन्टिलेटरमा रहेका छन् । यस्तै २८ हजार ४०५ जना होम आइसोलेशन मै हुँदा ३ हजार २२४ जना भने संस्थागत आईसोलेशनमा रहेका छन् ।