कोरोनाको आशंका गरिएका झापाका विरामीमा कोरोना नभएको पुष्टी

वाणिज्य न्युज
२ चैत्र २०७६

२ चैत काठमाडौं ।
झापाबाट कोरोना भाइरस सङ्क्रमणको आशंकामा काठमाडौं ल्याइएका विरामीमा कोरोना भाइरस नभएर कोरोना भाएरससँग मिल्दो जुल्दो फ्लू देखिएको ग्राण्डी अस्पतालले जनाएको छ । विराटनगरको नोबेल मेडिकल हस्पिटल पुगेका भद्रपुर निवासी एक पुरुषलाई कोरोनाको आशंकामा काठमाडौं रेफर गरिएको थियो ।
थप उपचारका लागि ग्राण्डी अस्पतालमा भर्ना गरिएकामा उनलाई कोरोना नभएको पुष्टी अस्पतालले गरेको छ ।

फ्लूका कारण निमोनिया समेत भएका ती विरामीको आइसीयूमा राखेर उपचार भइरहेको ग्राण्डीका बरिष्ठ चिकित्सक डा. चक्रराज पाण्डेले जानकारी दिए ।

ज्वरो आउने र रुघाखोकी लाग्ने बित्तिकै कोरना भाइरसको सङ्क्रमण भन्दै आत्तिन नहुने उनको सुझाव छ ।