एनआरएनको नयाँ अध्यक्षमा कुमार पन्त
कात्तिक १, काठमाडौं ।
गैरआवासीय नेपाली संघ (एनआरएनए) को अध्यक्षमा कुमार
पन्त निर्वाचित भएका छन् । संघको नयाँ
कार्यकालका लागि बिहीबार भएको निर्वाचनमा आफ्ना प्रतिस्पर्धी कुल आचार्यलाई परास्त गर्दै पन्त विजयी बनेका हुन् । गोरखा नेपाल
घर भएका पन्त सन् १९९९ देखि जर्मनीमा व्यवसाय गर्दे आएका छन् । पन्त यसअघि
एनआरएनएको दुई कार्यकाल उपाध्यक्ष थिए ।
उपाध्यक्षमा मिश्रित परिणाम आएको छ ।उपाध्यक्षका लागि भएको निर्वाचनमा बद्री केसी, अर्जुनकुमार श्रेष्ठ, सोनम लामा, मन केसी र रविना थापा विजयी भएका छन् । उपाध्यक्षमा विजयी भएका केसी र थापा कूल आचार्य डेमेक्रयाट प्यानलका हुन् ।
महासचिवमा डा. हेमराज शर्माले जितेका छन् । त्यस्तै, सचिवमा गौरी जोशी, र आरके शर्मा विजयी भए । कोषाध्यक्ष र सहकोषाध्यक्षमा क्रमशः महेश श्रेष्ठ र लोक दाहाल चयन भएका छन् ।
प्रतिकृया दिनुहोस्