May 28, 2022, Saturday
१४ जेष्ठ २०७९, शनिबार

सबैको ध्यान नेकपा सचिवालय तीरः नयाँ समिकरण देखि सत्ता बर्हिगमनसम्मको खेल

सबैको ध्यान नेकपा सचिवालय तीरः नयाँ समिकरण देखि सत्ता बर्हिगमनसम्मको खेल

बैंशाख, १७ काठमाण्डौ ।
सत्तारूढ नेपाल कम्युनिस्ट पार्टी (नेकपा) को सचिवालय बैठक बस्दै छ । बुधबार(आज) साँझ ५ बजे बस्ने भनिएको बैंठकमा सबैको ध्यान त्यतै छ ।
अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहाल ‘प्रचण्ड’बीच मंगलबार दिउँसो प्रधानमन्त्री निवास बालुवाटारमा भएको छलफलपछि सचिवालय बैठक बोलाइएको हो । यो बैंठक बोलाउँनुको भित्री करण नेताहरु विचमा असहमति नै देखिन्छ ।
पाटीभित्र आन्तरिक विवाद बढेपछि विवाद समाधानका लागि बैठक बोलाएको नेताहरूले बताउँदे आएका छन् । पार्टीमा २ समूह आ–आफ्नो गुट बलियो बनाउन सक्रिय छन् ।
प्रधानमन्त्री तथा पाटी अध्यक्ष केपी शर्मा ओलीले ल्याएको राजनीतिक दलसम्बन्धी अध्यादेशपछि नेकपाभित्र विवाद बढेको हो । सो अध्यादेश फिर्ता भएपनि नेकपाभित्रको विवाद भने साम्य भएको छैन । यसैलाई आधार बनाएर पाटीभित्र थुपै्रपल्ट कोठे बैंठक पनि बसेका छन् । अर्का अध्यक्ष पुष्पकमल दहाल र बरिष्ठ नेता माधब कुमार नेपाल समुह यही समय सत्ता परिवर्तनको खेलमा लागेको समेत आरोप लाग्दै आएको छ ।
पछिल्लो समिकरणमा समय नेताहरु सबै आफ्नो दाउमा लागेको समेत अरोप लग्दै आएको छ । यतिखेर सबैको आक्रोश प्रधानमन्त्री ओली माथि देखिन्छ । पटक पटक आफू ठगिएको अभिव्यक्ति दिँदै आएका उपाध्यक्ष वामदेव गौतम पनि प्रधानमन्त्रीसँग आक्रोसित छन् । नेकपाका २० स्थायी कमिटी सदस्यले लिखित रुपमा नै स्थायी कमिटी बैठकका आह्वान गरिसकेका छन् । स्थायी कमिटीमा पनि अल्पमतमा रहेका प्रधानमन्त्री ओली कसैगरी पनि बैठक टाल्ने प्रयासमा छन् ।
तर, असन्तुष्ट समूह कसैगरी पनि प्रधानमन्त्रीका क्रियाकलापलाई अहिलेकै अवस्थामा छाड्न तयार छैन । त्यही बैठकको विषयलाई लिएर आज सचिवालय बैठक बस्न लागेको हो । हिजो आलटाल गरेका प्रधानमन्त्री ओलीले आजका लागि बैठक बस्न सहमति जनाएका हुन् । यद्यपि, साँझ बस्ने भनेको बैठक दिनभरिको राजनीति घटनाक्रमले कुन मोड लिन्छ त्यसमै निर्भर रहने देखिन्छ । आजको घटनाक्रमलाई केही नेताले सत्ता बर्हिगमनसम्मको अवस्था भनेर बुझेका समेत छन् ।

Advertisement