Banijya News

चोलेन्द्रसहित उनका नातेदार र पूर्वन्यायाधीशसम्मको घरमा छापा

1
1.0K Shares

सम्पत्ति शुद्धीकरण अनुसन्धान विभागले पूर्वप्रधानन्यायाधीश चोलेन्द्र शमशेर जबरासहित चार जना पूर्वन्यायाधीश, जबराका नातेदार तथा निकटस्थहरूको घरमा एकसाथ छापा मारेको छ ।

विभागले पूर्वप्रधानन्यायाधीश जबरासहित जबराका भाइ प्रभुशमशेर जबरा, ज्वाइँ नवीन बस्नेत तथा पूर्वन्यायाधीश नवराज थपलिया, दिपक तिमल्सिना र नारायण दाहालको घरमा एकैपटक टोली परिचालन गरेर छापा मारेको हो ।

स्रोतका अनुसार, गैरकानुनी सम्पत्ति आर्जन तथा शुद्धीकरणको आशंकामा उनीहरू सबैको निवासमा एकसाथ खानतलासी भएको हो । विभागको टोलीले छापाका क्रममा अनुसन्धानसँग सम्बन्धित महत्वपूर्ण कागजात तथा अन्य सामग्री नियन्त्रणमा लिएको बताइएको छ ।

यसअघि केही दिनपहिले मात्रै काठमाडौं उपत्यका अपराध अनुसन्धान कार्यालयको टोलीले पूर्वप्रधानन्यायाधीश जबरालाई उनकै निवासबाट मध्यराति नियन्त्रणमा लिएर १२ घण्टापछि छाडेको थियो ।

1

Scroll to Top