जनकपुरमा दोस्रो गढिमाईको झझल्को एकै मन्दिरमा साडे चौधहजार प्राणीको भोग

वाणिज्य न्युज
२०७६ आश्विन २३, बिहीबार १०:४८ गते

जनकपुर समाचारदाता, जनकपुरको ऐतिहासिक तथा प्रमुख शक्तिपीठ राजदेवी मन्दिरमा यस बर्ष बलिप्रदान घटेको छ । गत वर्षको तुलनामा ३६४ कम बलि चढेको हो । पूजा आयोजक महावीर युवा कमिटीका अध्यक्ष संतोष साहका अनुसार यसबर्ष १४ हजार ६३३ बोकाको मात्र बलि प्रदान गरिएको छ । गत वर्ष भने १४ हजार ९९७ बोकको बली प्रदान गरिएको थियो ।

राजदेवी मन्दिरमा आइतबार राति ८ बजेबाट सुरु भएको बलिप्रदान सोमबार बिहान सकिएको छ । यसवर्ष बलिप्रदानका लागि ४ ठेहामा २० जना परिचालन गरिएको थियो । यहाँ बलीप्रदान कार्य सकेपनि तराई मधेसका अन्य शक्तिपीठहरुमा बलिप्रदान जारी छ । जनकपुरको राममन्दिरमै रहेको राजदेवी मन्दिरलाई झकिझकाउ पारिएको छ । मन्दिरमा पूजापाठ गर्नेहरुको ठूलो भिड लागेको छ । महिला र पुरूषको अलग अलग लाइन लगाएको छ ।