वीर अस्पतालमा युबतीको मृत्यु भएपछि कोरोना संक्रमणको आशंका, पुष्टी हुन भने रिपोर्ट आउनुपर्ने

१७ चैत, काठमाडौं ।
कोरोना भाइरस संक्रमणको आशंकामा काठमाडौंको वीर अस्पतालमा भर्ना भएकी एक युवतीको मृत्यु भएपछि अस्पताल परिसरमा खैलाबैला मच्चिएको छ ।
उनलाई सोमबार बिहान बेहोस अवस्थामा ल्याइएको र उपचारकै क्रममा मृत्यु भएको वीर अस्पतालले जनाएको छ । चन्द्रागिरि नगरपालिका १५ की ती युवती गत सातामात्रै भारतबाट आएको बताइएको छ ।
अस्पताल लैजादा उनलाई ज्वरो आउनुका साथै श्वास फेर्न समेत समस्या रहेको थियो । उनको नमुना परीक्षणका लागि टेकुस्थित केन्द्रीय प्रयोगशाला पठाइएको छ । रिपोर्ट नआएसम्म उनलाई कोरोना लागेको स्पष्ट हुँदैन ।

Advertisement