मेलबर्न इस्टिच्युट अफ टेक्नोलोजीमा अध्यानरत विद्यार्थीकालागि शेष घले परिवारको १२ करोड ३० लाख रुपैयाँ सहयोग

वाणिज्य न्युज
२०७७ बैशाख ५, शुक्रबार १६:३६ गते

बैशाख ५, काठमाडौं ।
गैरनेपाली संघका पुर्व अध्यक्ष शेष घले र उनकी श्रीमती जमुना गुरुङले १२ करोड ३० लाख रुपैयाँ सहयोग गर्ने भएका छन । यो सहयोग मेलबर्न इस्टिच्युट अफ टेक्नोलोजी (एमआईटी) मा अध्ययनरत विद्यार्थीका लागि भएको घले ले जनाएका छन् ।

घले दम्पतीले ‘सद्भाव कोष’ नाम दिएर यो रकम उपलब्ध गराउँने भएका छन् । हालै बसेको एमआईटी बोर्ड बैठकले घले दम्पतीले राखेको आर्थिक सहयोगको प्रस्ताव पारित गरेको छ ।

घले परिवारले घोषणा गरिएको सहयोग कोषबाट एमआइटीमा अध्ययनरत हरेक विद्यार्थीलाई ५०० डलरसम्म पाउँने छन् । जुन सहयोग त्यहाँ अध्यानरत विद्यार्थीको लागि ठूला राहत हुनेछ । घले सन् २०१८ देखि निरन्तर अष्ट्रेलियाको डलर अर्बपति सूचीमा छन् । उनले दिने भनिएको यो सहयोग एमआईटीमा अध्यायनरत नेपाली विद्यार्थीले पाउको सबैभन्दा ठूलो सहयोग हो ।