थप १० जनामा फेरी कोरोना संक्रमण देखियो, संक्रमित संख्या पुग्यो १२०

काठमाडौं २९, बैशाख
कोरोना संक्रमण बढने क्रममा आज थप कपिलबस्तुमा १० जनामा संक्रमण पुष्टि भएको छ । आज विहान स्वास्थ्य मन्त्रालयले जारी गरेको प्रेस विज्ञप्ति अनुसार काठमाडौंको प्रयोगशालामा परीक्षण गर्दा कपिलवस्तु जिल्लाको यशोधरा गाउँपालिका ५ र बुद्धभूमि नगरपालिका ७ र १० का १० जनामा संक्रमण देखिएको हो ।

संक्रमितहरुको उमेर १८ वर्षदेखि ३४ वर्षका छन् । एकजनाको उमेर नखुलेको मन्त्रालयका सह प्रवक्ता डाक्टर समिरकुमार अधिकारीले जनाएका छन्। संक्रमितहरु सबै पुरुष हुन् । यससँगै नेपालमा कोरोना भाइरस संक्रमितको संख्या १ सय २० पुगेको छ।

Advertisement