May 22, 2022, Sunday
८ जेष्ठ २०७९, आईतवार

सदनमा संद्यीय संसदको नीति तथा कार्यक्रम प्रस्तुत हुँदै

सदनमा संद्यीय संसदको नीति तथा कार्यक्रम प्रस्तुत हुँदै


सरकारको आगामी आर्थिक वर्षको नीति तथा कार्यक्रम संघीय संसदको संयुक्त बैठकमा प्रस्तुत भैरहेको छ । राष्ट्रपति विद्यादेवी भण्डारीले आगामी आर्थिक वर्ष २०७७/७८ का लागि नीति तथा कार्यक्रम प्रस्तुत गरिरहेकी छन् । प्रधानमन्त्री केपी शर्मा ओलीले राष्ट्रपति भण्डारीलाई नीति तथा कार्यक्रमकाे प्रति हस्तान्तरण गरे ।

Advertisement

संघीय संसदका सदस्यले मतदान गरेर निर्वाचित भए पनि राष्ट्रपति वर्षमा एक पटक मात्र संघीय संसदमा उपस्थित हुने प्रचलन छ । नीति तथा कार्यक्रम राष्ट्रपतिले पेस गर्ने परम्पराअनुसार राष्ट्रपति संसद पुगेकी हुन् ।

Advertisement

राष्ट्रपति विद्यादेवी भण्डारीले नीति तथा कार्यक्रम प्रस्तुत गर्दे कोभिड १९ को संक्रमणका कारण विश्वका सबै मुलुकको अर्थव्यवस्थामा गम्भीर धक्का पुर्याएको बताएकी छिन् । आगामी आर्थिक वर्षका लागि नीति तथा कार्यक्रम संघीय संसदमा प्रस्तुत गर्दै भण्डारीले यस्तो कुरा बताएकी हुन् । संक्रमण प्रारम्भ भएलगत्तै नेपाल सरकारले अवलम्बन गरेको स्पष्ट रणनीति, समन्वयतात्मक कार्यशैली, नेपालीको एकता, धैर्य र सहयोगले अहिलेसम्म संक्रमणबाट सबैको जीवन रक्षा गर्न नेपाल सफल भएकोमा उनले सन्तोष व्यक्त गरेकी छिन् ।

उनले कोरोना भाइरसकै कारण पर्यटन तथा आवागमन अवरुद्ध भएको, उद्योग व्यवसाय बन्दप्राय रहेका, उत्पादन र वितरण प्रणाली गम्भीर रुपमा प्रभावित भएकोमा चिन्ता व्यक्त गरिन् । ‘यसैका कारण दिगो लक्ष्य प्राप्तिमा ठूलो व्यवधान खडा हुने देखि लाखैको रोजगारी गुमेको छ ।’ राष्ट्रपति भण्डारीले भनिन् ।

कोरोनाको प्रकोपलाई अदृश्य र साझा दुश्मनको संज्ञा दिंदै यसविरुद्ध कठीन युद्ध लडिरहेको र मानव जातिले जित्नैपर्ने अवस्था रहेको उल्लेख गर्दै भनिन्–‘यो युद्ध कहिले, कसरी समाप्ता होला भन्ने भय चिन्ता र अन्यौल व्याप्त छ । यस्तो समयमा विश्व समुदायबीच ऐक्यबद्धता, समझदारी, आशावादको ठूलो खाँचो छ ।’ राष्ट्रपति भण्डारीले महामारीले हुने आर्थिक क्षतिको पूर्ति आगामी दिनमा हुनसके पनि गुमेको अमूल्य मानव जीवनको पुनरप्राप्ति र क्षतिपूर्ति हुन सक्दैन भन्दै त्यससँगै क्षति हुने मानवीय पूँजी, दक्षता र विचारको क्षति पनि अपूरणीय हुने बताएकी छिन् । ‘त्यसैले मानव जातिको जीवन रक्षा सरकारहरुको सर्वोच्च कर्तव्य हुन आएको छ ।’ उनले थपिन ।