प्रचण्ड ६० जनाको जम्बो टोली लिएर चीन जाने

वाणिज्य न्युज
१४ मंसिर २०७६

शानिवार १४, मंसिर २०७६,
सत्तारुढ नेकपा अध्यक्ष पुष्पकमल दाहाल प्रचण्ड चीनको भ्रमणमा जाने भएका छन् । चिनियाँ राष्ट्रपति सी चिनफिङको नेपाल भ्रमण र दुई कम्युनिस्ट पार्टीबीच काठमाडौंमा भएको छलफलमा भ्रमण आदानप्रदान गर्ने सहमतिअनुसार नेकपाको ६० सदस्यीय जम्बो टोली चीन जान लागेको हो । नेकपाको टोली आगामी २४ गते चीन जाने तय भएको छ । दुई महिनाअघि चिनियाँ कम्युनिस्ट पार्टीको विदेश विभाग र नेकपाको स्कुल विभागले काठमाडौंमा सी विचारधाराबारे छलफल गरेका थिए । त्यस क्रममा दई कम्युनिस्ट पार्टीबीच भाइचाराको सम्बन्ध स्थापना गर्ने सहमति भएको थियो । १० दिने भ्रमण टोलीको समन्वय नेकपा स्कुल विभागले गरिरहेको छ । अध्यक्ष दाहाल भने तीन दिन बसेर फर्कने कार्यक्रम रहेको छ ।