कोरोना संक्रमण अमेरिकामा बढ्दोः मृत्यु हुनेको संख्या पुग्यो ११ सय

वाणिज्य न्युज
१४ चैत्र २०७६

चैत १४, एजेन्सी
कोरोना (कोभिड १९) भाइरस संक्रमण अमेरिकामा व्यापक रुपमा फैलिएको छ । त्यहाँ चीन र इटलीमा भन्दा पनि बढी मानिसहरू संक्रमित भइसकेका छन् । अमेरिकामा ८५,२८०४ जनामा कोरोना संक्रमण भइसकेको पुष्टी भएको छ । अहिलेसम्म कोरोना संक्रमणका कारण अमेरिकामा १,१०० मानिसको ज्यान गइसकेको छ । जुन चीन र इटलीको भन्दा धेरै हो । हालसम्म चीनमा ८१,७८२ र इटलीमा ८०,५८९ जना संक्रमित भेटिएका छन् ।
जोप हापकिन्स विश्वविद्यालयले सार्वजनिक गरेको ताजा तथ्यांक विश्लेषण गर्दा चीन र इटलीपछि अब अमेरिकामा कोरोना संक्रमणले ब्यापक मानवीय हताहती निम्त्याउने देखिएको छ । न्यूयोर्कका अस्पतालहरुमा क्षमताभन्दा बढी बिरामीहरु राखिएको छ । त्यहाँका गभर्नर एन्ड्रयु क्योमोले यसअघि अमेरिकामा द्रुततगतिको रेल जसरी कोरोना संक्रमणको दर बढीरहेको बताएका थिए ।
अमेरिकी राष्ट्रपति डोनाल्ड ट्रम्पले चाहिँ कोरोना फैलनुको मूख्य कारण यस्ता मानिसको परीक्षण गर्नु रहेको तर्क गर्दे आएका छन् ।