कोरोना विरुद्द दिएको खोपले काम गर्ने नगर्ने बारे थाहा पाउन अझै केही महिना लाग्ने
०४ चैत, काठमाण्डौ ।
विश्वव्यापी रुपमै जरा गाडेर बसेको कोरोना भाइरस (कोभिड–१९) विरुद्द दिएको खोपले काम गर्ने नगर्ने बारे जानकारी लिन अझै केही महीना कुर्नु पर्ने भएको छ । अमेरिकामा कोरोना भाइरसको सङ्क्रमणबाट जोगाउन विकास गरिएको खोप पहिलो पटक मानिसमा परीक्षण सुरु गरिएको छ । तर , यो खोपले काम गर्छ कि गर्दैन भनेर थाहा पाउन अझै केही महिना लाग्ने विज्ञहरुले बताएका छन् ।
अमेरिकामा उत्पादन भएको खोपको ‘क्लिनिकल ट्रायल’ अन्तर्गत स्वतस्फूर्त रुपमा परीक्षण डोज लिनका लागि तयार भएका व्यक्तिमा खोप दिन सुरु गरिएको सरकारी अधिकारीले बताएका छन् ।
खोपको परीक्षणका लागि ४५ जना वयश्क स्वतस्फूर्त रुपमा तयार भएका छन् । यसैबिच, कोरोनाविरुद्धको खोप लिने पहिलो व्यक्ती दुई सन्तानकी आमा ४३ वर्षीया जेनिफर हालेर रहेकी छिन् । जेनिफर हालेरले समाचार संस्था एपीसँग भनिन् । । ‘यो मेरा लागि केही गर्न उत्साहजनक अवसर हो’,।
परीक्षणका लागि प्रदान गरिने खोपबाट व्यक्तिमा कुनै संक्रमण हुने सम्भावना नरहेको स्पष्ट पारिएको छ ।
पहिलो चरणमा कोरोना भाइरसविरुद्धको खोपको मात्राले प्रतिरक्षा प्रणाली कुनै प्रतिक्रिया देखिएको वा नदेखिएको बारेमा जाँच हुनेछ । अहिले परीक्षण गर्न लागिएको खोपको नाम एमआरएनए–१२७३ दिइएको छ ।एजेन्सी
