गत आर्थिक वर्षको नाफाबाट सबैभन्दा पहिला लाभांश घोषणा गरेको माछापुच्छ्रे बैंक लिमीटेडले यो वर्ष आफ्ना सेयरधनीलाई दशैं अघि नै लाभांश दिने भएको छ । दशैंअघि नै घोषित लाभांश वितरणको उद्देश्यले बैंकले असोज १० गतेका लागि आफ्नो २७ औं वार्षिक साधारणसभा बोलाएको छ ।
सभा होटल पोखरा ग्रान्डमा बिहान ११ बजे सुरू हुनेछ । सभाका लागि ४ प्रतिशत नगद लाभांश पारित गर्ने, ४ प्रतिशत बोनस सेयर पारित गर्ने, ८.२५ प्रतिशत लाभांश दिने ३ अर्ब रूपैयाँबराबरको अविमोच्य प्रकृतिको अग्राधिकार सेयर जारी गर्ने लगायतका प्रस्ताव रहेका छन् ।
सेयरधनीको खातामा लाभांश दशैंअघि नै पठाउने योजना बैंकले बनाएको छ ।
