पर्यटन क्षेत्रमा पुर्याएको महत्त्वपूर्ण योगदानका लागि हिमालयन सोसिएल जर्नीका अध्यक्ष तथा सफल पर्यटन व्यवसायी रामप्रसाद सापकोटा ‘युनिप युएन नेपाल ग्लोरी अवार्ड २०२५’ बाट सम्मानित भएका छन् ।
नेपालको पर्यटन प्रवर्द्धनमा उनको सक्रियता र योगदानको कदर गर्दै नेचर इन्टरनेशनल पिस (युएनआईपी) र ग्लोरी मिडिया नेपालको संयुक्त आयोजनामा थाइल्यान्डको बैंककमा आयोजित एक विशेष कार्यक्रममा उनलाई यो सम्मान प्रदान गरिएको हो । युएनआईपी थाइल्यान्डका अध्यक्ष डा. श्रीवान किङ्जुन, भिक्षु डा. राजु लामा, पी कोन्दन र कार्यक्रम संयोजक सरोज ओझा लगायतले सापकोटालाई अन्तर्राष्ट्रिय अवार्डले सम्मान गरेका हुन् ।
धादिङ जिल्लाको त्रिपुरासुन्दरी ७, अचनेमा जन्मिएका सापकोटा पर्यटन व्यवसायमा मात्र नभई सामाजिक सेवामा पनि सक्रिय छन् । उनले होटल, ट्राभल, हेलिकप्टर र हाइड्रोपावर जस्ता विभिन्न व्यवसायमा पनि लगानी गरेका छन् ।
