पूर्वप्रधानन्यायाधीश सुशीला कार्कीलाई अन्तरिम सरकारको प्रमुख बनाउने जेन–जीको प्रस्तावमा काठमाडौं महानगरका मेयर बालेन शाहले पनि समर्थन गरेका छन् । जेन–जीहरूको भर्चुअल बैठकले कार्कीलाई अघि सार्ने सहमति जुटाएको थियो ।
उक्त सहमतिपछि बालेनले पनि कार्कीको नाममा साथ दिएका छन् । भर्चुअल बैठकमा सरकार प्रमुखमा बालेनको नाम पनि आएको थियो । तर, बालेनलाई निर्वाचित सरकारको प्रमुख बनाउने भन्दै अन्तरिम सरकारका लागि कार्कीलाई अघि सार्नुपर्ने जेन–जीहरूको भनाइ छ ।
कार्कीको नाममा सहमति जुटाएपछि उनीहरू नेपाली सेनासँग संवादका लागि जुटेका थिए । तर सेनासँगको छलफलमा भने जेन–जी समूह एकमत भएर प्रस्तुत हुन सकिरहेको छैन ।
