त्रिकोणीय टी– २० आई सिरिजको उपाधिका लागि नेपाल र नेदरल्यान्ड्स भिड्ने भएका छन् । आइतबार नेदरल्यान्ड्स र नामिबियाबीचको खेल वर्षाका कारण हुन नसकेपछि दुवै टिमले एक एक अंक पाएका थिए ।
त्यसपछि अंक तालिकाको शीर्ष स्थानमा रहँदै नेदरल्यान्ड्स फाइनलमा पुगेको छ भने नेपाल दोस्रो स्थानमा रहँदै फाइनल पुगेको हो । नेदरल्यान्ड्सको ५ अंक भएको छ भने नेपालको चार अंक । उता नामिबिया ३ अंकमा सीमित भयो ।
लिग चरणमा नेपाल एक खेलमा नेदरल्यान्ड्ससँग पराजित भएको थियो भने अर्को खेलमा विजयी । मंगलबार हुने फाइनल निकै प्रतिस्पर्धात्मक हुने देखिएको छ ।
