नबिल बैंकले राख्यो स्वावलम्बन लघुवित्तकोे संस्थापक सेयर लिलामीमा

नबिल बैंकले आफ्नो स्वामित्वमा रहेको स्वावलम्बन लघुवित्तकोे संस्थापक सेयर लिलामी खुल्ला गरेको छ । बैंकले स्वावलम्बनको १ लाख ९० हजार ६५३ कित्ता संस्थापक सेयर आइतवारदेखि बिक्री खुल्ला गरेको हो । यसमा न्यूनतम ७५० रुपैयाँ भाउ राखेर आवेदन दिन सकिनेछ । यसमा असार १५ गतेसम्म बोलपत्र पेश गर्न सकिने नबिल इन्भेष्टमेन्टले जनाएको छ ।

लगानीकर्ताले यसलाई न्यूनतम मूल्य आधार मानेर सो वा सोभन्दा बढी मूल्य अंकित गरी बोलपत्र पेश गर्नुपर्नेछ । लगानीकर्ताले न्यूनतम १००० कित्ता र अधिकतम सम्पूर्ण कित्ताका लागि पनि आवेदन दिन सक्नेछन् ।