नेपाल धितोपत्र बोर्ड (सेबोन)को सञ्चालक समितिबाट निजी क्षेत्र र अन्य मन्त्रालयका प्रतिनिधिहरूलाई हटाइने भएको छ । सेबोनले निजी क्षेत्र र अन्य मन्त्रालयका प्रतिनिधि हटाएर विज्ञ सदस्य थप गर्न लागेको हो ।
‘धितोपत्र बोर्डको पुनर्संरचना गरी बोर्डमा राजस्व सचिव र डेपुटी गभर्नरले प्रतिनिधित्व गर्ने प्रावधान बनाउने, विज्ञ सदस्य थप्ने, निजी क्षेत्र र अन्य मन्त्रालय निकायको प्रतिनिधित्व हटाउने’, सेबोनले चालू आर्थिक वर्षको वार्षिक योजना तथा कार्यक्रममा उल्लेख गरेको छ ।
अहिले सेबोनका अध्यक्षसहित सात सदस्यीय सञ्चालक समिति छ । जसमा निजी क्षेत्रको प्रतिनिधित्व छैन ।
