नेपाली बजारमा सुनचाँदीको मूल्य घट्ने क्रमले बुधबार पनि निरन्तरता पाएको छ। नेपाल सुनचाँदी व्यवसायी महासंघका अनुसार बुधबार सुनको मूल्य एकैदिन प्रतितोला ६ हजार ३०० रुपैयाँले घटेको छ। चाँदीको मूल्यमा पनि गिरावट आएको छ।
महासंघले सार्वजनिक गरेको नयाँ मूल्यसूचीअनुसार बुधबार छापावाल सुनको मूल्य प्रतितोला २ लाख ६० हजार ९०० रुपैयाँ कायम भएको छ। यसअघि मंगलबार सुन प्रतितोला २ लाख ६७ हजार २०० रुपैयाँमा कारोबार भएको थियो।
मंगलबारको तुलनामा बुधबार सुनको मूल्यमा प्रतितोला ६ हजार ३०० रुपैयाँको गिरावट आएको हो। पछिल्लो मूल्य घटेसँगै नेपाली बजारमा सुनको कारोबार मूल्य उल्लेख्य रूपमा सस्तो भएको छ।
सुनसँगै चाँदीको मूल्यमा पनि गिरावट देखिएको छ। महासंघका अनुसार बुधबार चाँदीको मूल्य प्रतितोला ११० रुपैयाँले घटेर ३ हजार ३८० रुपैयाँ कायम भएको छ।
यसअघि मंगलबार चाँदी प्रतितोला ३ हजार ४९० रुपैयाँमा कारोबार भएको थियो। मंगलबारको तुलनामा बुधबार चाँदीको मूल्य प्रतितोला ११० रुपैयाँले घटेको हो।
पछिल्लो समय नेपाली बजारमा सुन तथा चाँदी दुवैको मूल्य निरन्तर ओरालो लागिरहेको छ। एकैदिन सुनको मूल्यमा आएको ठूलो गिरावटले बजारमा सुन खरिदबिक्री गर्ने उपभोक्ता तथा व्यवसायीको चासो बढाएको छ।
सुनचाँदीको मूल्यमा हुने उतारचढावले विशेषगरी विवाह, चाडपर्व तथा अन्य प्रयोजनका लागि गरगहना खरिद गर्ने ग्राहकलाई प्रत्यक्ष प्रभाव पार्ने गर्छ।
महासंघले दैनिक रूपमा अन्तर्राष्ट्रिय बजारको मूल्य प्रवृत्ति तथा अन्य सम्बन्धित आधारलाई ध्यानमा राख्दै नेपाली बजारका लागि सुनचाँदीको मूल्य निर्धारण गरी सार्वजनिक गर्दै आएको छ।


