July 29, 2021, Thursday
१४ श्रावण २०७८, बिहीबार

फेसबुकको मुनाफामा ४.२ प्रतिशतले वृद्धि, १० खर्ब डलर माथि पुग्यो सम्पत्ति

फेसबुकको मुनाफामा ४.२ प्रतिशतले वृद्धि, १० खर्ब डलर माथि पुग्यो सम्पत्ति

असार १५, क्यालिफोर्निया । शेयर बजारमा आएको बृद्धिसँगै सामाजिक सञ्जाल फेसबुक नाफामा ४ दशमलव २ प्रतिशतले वृद्धि भएको छ । यो सँगै फेसबुक अमेरिकामा पाँचौं ठूलो कम्पनी बनेको हो । हाल यो कम्पनीको मुल्य १० खर्ब डलर पुगेको छ । शेयर सूचक नास्डाकले कम्पनीको प्रतिशेयर मूल्य हाल ३५५ दशमलव ६४ अमेरिकी डलर पुगेको देखाएको छ ।

सन् २०१२ मा अमेरिकी शेयर बजारमा सूचकृत भएको फेसबुकको शेयर निरन्तररुपमा बढिरहेको छ । सन् २०१८ मा कम्पनीको आम्दानीमा आएको गिरावटका कारण कम्पनीको शेयर एकैपटक १९ प्रतिशतले घटेको थियो । त्यसयता यो कम्पनीको शेयर मूल्य निरन्तर बढिरहेको छ । हाल कम्पनीको शेयरमूल्य सन् २०१८ को तुलनामा ९० प्रतिशतले बढी भएको सञ्चारमाध्यमहरुले उल्लेख गरेका छन् ।

फेसबुक निगम एक अमेरिकी सामाजिक सञ्जाल र प्राविधिक कम्पनी हो जुन अमेरिकाको मेन्लो पार्क क्यालिफोर्नियामा अवस्थित छ । यो सूचीमा यसअघि एप्पल, माइक्रोसफ्ट, अमेजन र गूगल रहेका छन् । त्यसमध्ये माइक्रोसफ्ट र एप्पल कम्पनीको मूल्य २० खर्ब अमेरिकी डलरभन्दा माथि रहेको छ ।