नेपाली राष्ट्रिय क्रिकेट टिमका स्पीनर सन्दीप लामिछाने इंल्यान्डमा हुने ‘द हन्ड्रेड’मा ‘अन्सोल्ड’ भएका छन् । इंल्यान्ड र वेल्स क्रिकेट बोर्डको आयोजनामा हुने यो प्रतियोगिताका निम्ति बिहीबार भएको अक्सनमा सन्दीपमाथि कुनै पनि टिमले बोली नलगाएका हुन् ।
अक्सनमा सन्दीपको बेस प्राइस ३१ हजार पाउन्ड थियो । नेपाली मूल्यमा यो करिब ६२ लाख रुपैयाँ हुन्छ । सन्दीपले सन् २०२० मा ओभल इन्भिन्सिबलबाट द हन्ड्रेड खेलेका थिए । प्रतियोगिताको यो संस्करण आउँदो जुलाई २१ देखि अगस्ट १६ सम्म हुने तय छ ।
