प्रतिनिधिसभामा रहेका दुई वटा विधेयक दफावार छलफलका लागि संसदीय समितिमा पुगेको छ । नेपाल राष्ट्र बैंक (तेस्रो संशोधन) विधेयक २०८३ र पर्यटन विधेयक, २०८२ दफावार छलफलका लागि संसदीय समितिमा पुगेका हुन् ।
प्रतिनिधिसभाको बैठकमा अर्थमन्त्री डा. स्वर्णिम वाग्लेले नेपाल राष्ट्र बैंक (तेस्रो संशोधन) विधेयक २०८३ लाई दफावार छलफलको लागि सम्बन्धित समितिमा पठाइयोस् भनेर प्रस्ताव राखेका थिए ।
त्यस्तै, संस्कृति, पर्यटन तथा नागरिक उड्डयन मन्त्री खडकराज पौडेलले पर्यटन विधेयक, २०८२ लाई दफावार छलफलको लागि सम्बन्धित समितिमा पठाइयोस् भन्ने प्रस्ताव प्रस्तुत गरेका थिए ।
दुवैलाई सभाले स्वीकृत गरेको थियो । दुवै विधेयकमाथि अब दफावार छलफल सम्बन्धित संसदीय विषयगत समितिमा हुनेछ ।
